GOVERNASAUN DIAK IHA ÁREA EDUKASAUN IHA TIMOR LESTE

GOVERNASAUN DIAK IHA ÁREA EDUKASAUN IHA TIMOR LESTE

Kapítulu I

ANÁLIZA BA PROBLEMA

   Governasaun mak hanesan atividade ida ne’ebé iha prosesu interasaun sosial polítika entre governu no populasaun iha varius asuntus ne’ebé iha relasaun ho interese populasaun no intervensaun governu ba asuntu  interese refere. Governasaun mós hanesan asaun ne’ebé lider ka orgaun sira halo iha país ida nia laran. Governasaun bele fó definisaun iha siknifikadu jeral no simples, hanesan definisaun luan; asaun ne’ebé halo husi orgaun Lejislativu, orgaun Ezekutivu, orgaun Judisiariu no orgaun Estadu nian iha nasaun ida iha âmbitu atinji objetivu país nian. Iha definisaun kloot, governasaun hanesan asaun ne’ebé halo husi orgaun ezekutivu iha nasaun ida iha âmbitu atinji objetivu país nian. Nune’e iha kontekstu governasaun ohin loron nasaun sira hotu iha mundu iha mehi hakarak iha governasaun ne’ebé diak ba sira nia governasaun rai laran nian, hodi bele kria moris diak ba povu. Governasaun ne’ebé diak hatuur prinsipiu ukun ne’ebé diak, loos no justu, tuir Ryaas Rasyid iha Aminudin Ilmar (2014:14-15) “keberadaan pemerintahan pada hakikatnya merupakan pelayanan kepada masyarakat. Keberadaan pemerintah tidaklah diadakan untuk melayani diri sendiri, akan tetapi untuk melayani kepentingan da kebutuhan masyarakat”. Ezistensia governasuan  em prinsipiu nu’udar atendimentu ba populasaun. Ezistensia governu laos hamosu atu atende ba nia nesesidade rasik, maibé  atu atende nesesidade no importansia populasuan nian, ho indikador ukun ne’ebé diak hanesan ohin loron país barak adopta bá, prinsípius governasaun di’ak hanesan efisiênsia, efikásia, transparênsia, responsividade, kontrolu  akontabilitade,,  moos husi  korupsaun,  partisipasaun  ativa  no profisionalismu.

Timor-Leste hanesan mós país ida ne’ebé hamrik ho prinsíu demokrasia, tuir kontituisaun RDTL artigu 1 alinea 1 (Repúblika) ne’ebé define katak ‘Repúblika  Demokrátika  Timor-Leste  katak  Estadu  ida-ne’ebé  demokrátiku,  soberanu, ukun-an  no  ida-mesak,  harii  hosi  povu  nia  hakarak  no  iha  respeitu  ba  dignidade  ema moris ida-idak nian’ nune’e  iha orgaun soberanu sira ne’ebé eziste hodi governa hodi aselera ukun ba moris diak povu nian, tuir artigu 67 (Órgaun soberania nian) ne’ebé define Órgaun soberania sira maka Prezidente-Repúblika, Parlamentu Nasionál, Governu no Tribunál sira.

Iha sistema governasaun ne’ebé la’o iha Timor-leste orgaun soberania ha’at ne’e mak ukun ka aselera governasaun iha rai ne’e, ne’ebé ukun ho funsaun ida-idak nian tuir konstituisuan haruka. Ukun ne’ebé normalmente país sira kolia no tau kestaun mak ukun husi orgaun ne’ebé aselera nasaun nia dezemvolvimentu no progresu hanesan sistema prezidensial, semi prezidensial, monarkia, parlamentaria. Kondisaun Timor-Leste adopta sistema semi-prezidensial, ne’ebé ukun husi prezidente repúblika, parlamentu nasional no governu ne’ebé hili husi povu tuir  Artigu 65 (Eleisaun sira) alinea 1 defini  ‘Órgaun  eleitu  soberania  nian  ho  podér  lokál  sei  hili  tuir  eleisaun,  hosi  eleisaun  universál, livre, diretu, sekretu ema ida votu ida, no periódiku’ no orgaun judisiariu (tribunal) mak hili husi orgaun tolu seluk ne’ebé hatuur iha Konstituisaun RDTL iha Artigu 128 (Konsellu Superiór Majistratura Judisiál nian) iha alinea 2 ‘juís prezidente tribunal justisa nian mak preside konsellu superior majistratura judicial, ne’ebé halo parte vogal sira tuir mai ne’e: a). Ida, prezidente repúblika mak hili;  b). Ida, parlamentu nasional mak foti; c). ida governu mak hili no c). majistradu judicial mak hili husi sira leet’.

Bazeia ba prinsipiu demokrasia estadu Timor-Leste nian, mak ema hotu hakarak orgaun soberanu nia servisu ka ukun ne’ebé diak durante sira nia mandatu. Nune’e progressu no dezemvolvimentu edukasaun iha Timor-Leste ne’ebé tutela husi Ministériu Edukasau no Kultura ne’ebé ukun husi ministru/a ida nomeia husi Governu depois de eleisaun ba partidu ne’ebé mais votadu hodi ukun iha parlamentu, sai hanesan asuntu ne’ebé ema hotu nia ezijensia. Ministériu Edukasaun hanesan ministériu ida ne’ebé mosu atu hatuur loloos konstituisaun RDTL artigu 59 (Edukasaun no Kultura), ne’ebé defini iha alinea 1 katak ‘Estadu rekoñese no garante sidadaun hotu nia direitu ba edukasaun no kultura, nune’e mós harii sistema ensinu báziku universál, obrigatóriu no wainhira bele,  saugati, tuir lei haruka’. Ho ejezensia global, ohin loron edukasaun sai hanesan pilar importante atu produs rekursu umanu ne’ebé matenek no kualifikadu hodi mehi aas no iha area peskiza sientifiku oi-oin hodi bele hatan ba ezijensia global ho nia sistema no programa ne’ebé tenke mais kualifikadu no responde ba nesesidade dezemvolvimentu sosial no ekonomia nasaun nian.

Ho komprimisu Estadu Timor-Leste esforsu atu lori prosperiedade ba povu tomak mak ohin loron halo ona dezemvolvimentu iha setor oi-oin hodi bele aselera dezemvolvimentu nasaun nian sai diak liu, ho nune’e iha dezemvolvimentu edukasuan nian mós sai hanesan vizaun prinsipal ida ne’ebé hatuur iha Vizaun ministériu edukasaun iha Planu Estratéjiku Nasional Edukasaun nian (2011-2030) nian, hatuur katak ‘Em 2030, o povo de Timor-Leste irá estar educado, informado e qualificado para viver uma vida longa e produtiva, respeitando os valores tradicionais, da paz e da família. Todos os indivíduos terão as mesmas oportunidades no acesso à educação de qualidade, que lhes permitam par ticipar no processo de desenvolvimento económico, social e político, assegurando a equidade social e a unidade nacional’ katak iha tinan 2030, povu Timor-Leste sei sai edukadu, informa no kualifikasaun ba moris ne’ebé anruk no produtivu respeita valor tradisional, paz no familia.  Ema hotu-hotu sei iha oportunidade hanesan asesu ba kualidade edukasaun konabá prosesu dezemvolvimentu ekonómiku, sosial no polítika sira atu garante igualdade sosial no unidade sosial. Kolia konabá edukasaun ne’ebé kualidade no kualifikadu  mai husi programa, sistema hanorin nian ka kuríkulu ministériu edukasaun nian tamba aselerasaun edukasaun nian iha servisu ministériu edukasuan  nian nune’e presija programa ba dezemvolvimentu edukasaun ne’ebé adekuadu, sistema edukasaun ne’ebé kualidade, infraestrutra ne’ebé kualidade no sufsiente, fasilidade ho kurikulum ne’ebé apar ho sistuasaun no kondisaun país nian tuir periodu hodi bele dezemvolve setor edukasuan ho diak no rápidu. Atu dezemvolve setor edukasaun iha Timor-Leste presija iha polítika no planu ne’ebé diak no mós iha governasaun ne’ebé mós no diak tuir prinsipiu boa governasaun nian hanesan haktemik iha leten.  Atu hatan ba prinsipiu boa governasaun no vizaun ministériu edukasaun iha futuru mak ministériu edukasaun kria Polítika Nasionál Edukasaun nian foun ida 2007-2012: Harii Nasaun, liu husi Kualidade edukasaun ne’ebé hetan aprovasaun iha 2008 hodi halo reforma ba iha sistema edukasaun iha Timor-Leste. PENE orienta husi prinsípiu ninian mak Kualidade ne’ebé fó atensaun kona-ba prosesu aprendizajen no rezultadu, igualdade ne ' ebé implika sensibilidade institusionál boot liu kona-ba diferensa sosiál no local, Asesu Edukasaun hodi promove inkluzaun, tau iha konsiderasaun partikular rejiaun no grupu sosiál sira ne’ebé vulnerável, no mós kestaun jéneru, Kona-ba relevánsia ekonomia no sosiál rekoñe katak edukasaun mak baze ida ba kriasaun ekonómiku no sosiál ba Timor-Leste no ba sidadaun nasionál, Partisipasaun, katak família no komunidade sira partisipa ativu iha desizaun sira ne’ebé iha nivel eskola, Parseiru sosiál liuhosi apoiu simu no fó ba privadu edukasaun inisiativa, individuál ka kolaborasaun no Fleksibilidade liu husi konsesaun sistema ne’ebé promove migratória oin-oin iha sistema edukasaun nian, ho objetivu atu hetan oportunidade hodi asesu ba ensinu superior.

Prinsipiu sira ne’e atu sai realidade, nune’e polítika ministériu eduaksaun identifika área principal rua (2) hodi halo reforma: Reforma ba sistema edukasaun ida, hadi’a kualidade edukasaun liuhusi formasaun ba profesór sira, ho kurikulu foun no ezekusaun sistema foun eskola jestaun nian no atu garante asesu hanesan ba ema hotu-hotu ba nivel oin-oin kona-bá edukasaun nian. Kona-ba jestaun edukasaun ne’ebé atu reforma nian ida desentraliza oferta edukasaun, kria inspesaun servisu, hametin kuadru legal ba edukasaun no hadi'a jestaun ministériu.

Lei Ensinu Báziku, Lei no. 14/2008, hetan aprovasaun husi Parlamentu Nasionál iha fulan Outubru tinan 2008, bazeia ba prinsípiu fundamentál sira kona-ba Konstituisaun no Edukasaun Nasionál, ne’ebé fó baze legál ba reforma ba sistema edukasaun. Lei reestrutura fali hanesan sistema edukasaun nian mak organiza no estabelese katak lian hanorin iha sistema edukasaun timor-Leste mak lian Tetun no Portugés. No reforma ba sistema edukasaun no ensinu nian bazeia ba ita nia pialr edukasaun  nian mak aprende atu koñese, aprende atu halo, aprende atu moris hamutuk no aprende  sai buat ruma. Figura 1 iha kraik ne’e aprezenta diagrama ba estrutura edukasaun ne’ebé foun iha Timor-Leste.

Figura 1. Sistema Ensinu  ihaTimor-Leste.

Iha tabela leten ministériu edukasaun halo sistema ensinu nian iha Timor-Leste, konabá idade ka tinan asesu ba edukasun ensinu báziku, sekundariu no ensinu superior. Siknifika katak idade infansia hahuu tinan 6 asesu ona ba ensinu siklu dahuluk nian tinan 14 remata eskola ensinu siklu datolu nian no iha tinan 15 kontinua ensinu sekundariu ho forma (sekundariu jeral no tékniku vikasional). Iha idade 18 to’o 21 remata eskola iha ensinu superior.  No tinan 22 ba leten idade ne’ebé atu kontinua ba eskola ensinu mestradu no doutoramentu nian.

   Atual  rede  eskola sira iha  Timor-Leste,  númeru total eskolas privadas no públikas iha kada distritu no kada su-bsetor edukativu ne’ebé tuir Estrutura Eskolar Sistema Ensinu iha Timor-Leste.

Tabela 1. Estrutura Escolar do Sistema de Ensino em Timor-Leste

Fonte: Dados da Unidade de Infraestruturas, Ministério da Educação, 2010.

Prinsipais karakterístikas sistema ensinu ka hanorin nian mak distribuisaun pre-eskola sira revela partisipasaun siknifikativa husi setor provadu sira,  iha teritoriu Timor laran tomak unidade infraestrutura eskola sira hamutuk 1554, kompostu husi pre-eskolar 142, ensinu báziku hamutuk 1318 komopostu husi (públiku 1172 no privadu 146), ensinu sekundariu hamutuk 94 kompostu husi (públku 64 no privadu 30). Iha ne’ebé sekundariu jeral hamutuk 73 no sekundariu tékniku hamutuk 21.

Tabela 2. Kresimentu sistema ensinu nian

Husi tabela kresimentu sistema ensinu iha leten,  iha ne’ebé ministériu edukasuan halo esforsu atu atinji vizaun edukasaun nian ne’ebé ema tomak sei asesu iha ensinu eskola no eskola ne’ebé kualidade, nune’e tinan ba tinan kuantidade estudante sira sempre iha aumentu ba asesu eskola iha ensinu báziku, ensinu sekundariu no professor sira sempre iha aumentu husi tinan 2004 to’o 2010.

Total alunus sira ne’ebé asesu ba eskola durante tinan hira nia laran, iha influensia ba prosesu aprendijazem liu husi valor rásio ne’ebé hatudu iha kada tinan halo mátrikula hetan valor variaveis ka tuun no sa’e, hahuu kedas 2004,2005 no 2006 iha 21 alunus kada prefesor no iha tinan sira tuir mais empre iha mudansa ho forma aumenta no tuun, iha tinan ikus, 2010 halo inskrisoens hetan rasio 30 alunus kada professor.  

Gráfiku 1.  Fonte: DGE, rezultadu sensu populasaun,2015.

Gráfiku 2 Fonte: DGE, rezultadu sensu populasaun,2015. 

Bazeia bá gráfiku 1. Iha leten hatuur katak minstériu edukasuan esforsu aan halo edukasun ne’ebé sai diak liu no ekuidade hodi integra ema barak iha laran husi tinan  ba tinan, hatudu katak husi populasaun Timor-Leste hamutuk 1,089,672, konssege ona halo ema (mane no feto) hamutuk 70%  asesu ba edukasaun, maske iha 29% mak husi fali eskola ho aspetu ekonomia no sosial. Kompostu husi populasaun refere iha 29% mak nunka atende eskola no iha 1 % mak la deklar.

KAPITULU II

DEZEMVOLVIMENTU

2.1. Difinisaun Konseitu

A.    Governasaun

Tuir J.S Endarlin (Setyawan, 2004:223) governance merupakan suatu terminologi yang digunakan untuk mengganti istilah government, yang menunjuk penggunaan otoritas politik, ekonomi dan administrasi dalam mengelola masalah-masalah kenegaraan.“  governante hanesan termonojia ida ne’ebe uza hodi troka termu governu, ne’ebe sai hanesan otoritariu politiku, iha ekonomia no administrasaun hodi halo zere nasaun nia difikuldade.

Tuir H.A.Brasz (1975), “Governasaun merupakan ilmu yang mempelajari teknis atau pun cara lembaga umum disusun dan difungsikan dengan baik secara intern dan ekstern warga negaranya “ Governu hanesan Ciensia ne’ebe estuda konaba teknika no mos oinsa atu forma instituisaun publiku ne’ebe diak ba ema rai laran no mos rai liur. Iha sorin seluk  R.Mac. Iver (1947) “perngertian pemerintahan adalah suatu ilmu mengenai cara bagaimana orang-orang dapat diperintah ataun pung dikendalikan.“ Konprensaun husi Governasaun mak siensia ida ne’ebe estuda kona ba oinsa atu regula ka kontrola.

Syafie Inu Kencana (2011:23),  “Pemerintahan Merupakan Sebuah ilmu yang mempelajari bagaiman cara melakukan pengurusan badan esksekutif ” Governasaun ne’e siensia ida ne’ebe estuda konaba oinsa atu hala’o jestaun orgaun ezekutivu.

B.     Boa – Governasaun

Iha era Modernizasaun nasaun barak mak hakarak halo desenvolvimentu ida ne’ebe hatu’ur iha prinsipiu iguladade no justisa katak buat hotu ne’ebe nasaun nian sai mos rikeza ba povo iha nasaun ne’e rasik, atu realizasaun mehi ida ne’ebe mak sistema boa governasaun sai hanesan solusaun diak atu implemeta, Haktuir husi  Organization for Economic Cooperation and Development OECD no World Bank (Sedarmayanti, 2009:273), “Good Governance sebagai penyelenggaraan manajemen pembangunan solid dan bertanggung jawab yang sejalan dengan demokrasi dan pasar yang efisien, penghindaran salah alokasi dana investasi yang langka, dan pencegahan korupsi secara politik dan administrasi, menjalankan disiplin anggaran serta pendiptaan kerangka kerja politik dan hukum bagi tumbuhnya aktivitas kewiraswastaan”.

 Boa-governasaun hanesan asaun ka gestaun nee’be solidu no responsabilidade ne’ebe kompila ho demokrasia no merkadu ne’ebe efisiensia, atu nune’e labele akontese alokasaun orsamentu ba investimentu ne’ebe sala, no mos atu asegura korupsaun husi dalan politika no administrasaun,disiplina iha servisu tantu politika no dereitu nune’e bele hamoris  kresimentu atividade setor privadu.

Tuir Riddell (2009), katak “good governance) sebagai kemampuan pemerintah untuk membangun proses manajemen publik yang efisien, efektif, dan akuntabel, yang terbuka terhadap partisipasi masyarakat sehingga dapat memperkuat sistem demokrasi pemerintahan”. Boa Governasaun hanesan potensia governu nian atu ezekuta gestaun publika ne’ebe eficaz,efisiensia no akuntabilistiku, ne’ebe tranparansia ba partisipasaun sociedade atu haforsa sistema demokrasia estadu nian.

Sorin seluk Robert Charlick Iha Pandji Santosa (2008:130) difini katak “good governance sebagai pengelolaan segala macam urusan publik secara efektif melalui pembuatan peraturan dan/atau kebijakan yang baik demi untuk mempromosikan nilai-nilai kemasyarakatan”.  Boa Governasaun hanesan gestaun ida ba kestoes publika ne’ebe efetividade husi kria regulamentu/desizaun ne’ebe diak atu promove valores sociedade nian.

Bazeia ba difinisaun husi matenek nain ne’ebe iha leten, nune’e bele komklui katak Boa-Governasaun hanesan sistema publiku ida ne’ebe atu implemeta no gere administrasaun publika ho  transparansia, efikaz no efisiensia tuir planu no programa ne’ebe trasa tiha ona.

C.    Edukasaun

Tuir Matenek na’in Carter V. Good (1977 )  defini katak: edukasaun hanesan prosesu dezenvolve kapasidade (potensia) ema ida nian iha karakteristika ne’ebe sei hatudu liu husi hahalok ema ida nian iha sosiedade. Prosesu sosial ida ne’ebe ema ida hetan influensia husi ambiente (liliu iha eskola) to’o ema refere bele hetan kapasidade sosial no dezenvolve personalidade/privadu ne’ebe di’ak. Sorin seluk KBBI No. 20 tahun (2003) hateten katak “Pendidikan adalah usaha sadar dan terencana untuk mewujudkan suasana belajar dan proses pembelajaran agar peserta didik secara aktif mengembangkan potensi dirinya untuk memiliki kekuatan spiritual keagamaaan, pengendalian diri, kepribadian, kecerdasan, akhlak mulia, serta keterampilan yang diperlukan dirinya, masyarakat, bangsa, dan Negara”  Edukasaun hanesan esforsu  ne’ebe planeadu atu atinji ambiente aprendizazem no prosesu aprende atu estudante bele ativu hodi eleva potensia privadu hodi eziste forsa esperitual,orientasaun ba privasidade rasik,abilidade,kreatividade, sociedade no nasaun.

Nune’e hatutan mos husi Oemar Hamalik (2001: 79) “Pendidikan adalah suatu proses dalam rangka mempengaruhi siswa agar dapat menyesuaikan diri sebaik mungkin terhadap lingkungan dan dengan demikian akan menimbulkan perubahan dalam dirinya yang memungkinkannya untuk berfungsi secara kuat dalam kehidupan masyarakat”. Edukasaun hanesan prosesu ida ne’ebe atu influensia estudante nune’e bele halo adaptasaun diak ho ambiente  no bele fo mudansa ba personalidade privada hodi garantia nia funsianamentu iha sociedade nia leet.

Tuir H. Fuad Ihsan (2005: 1) explika katak difisaun husi Edukasaun mak, “Usaha manusia untuk menumbuhkan dan mengembangkan potensi-potensi pembawaan baik jasmani maupun rohani sesuai dengan nilai-nilai yang ada didalam masyarakat dan kebudayaan.”  Esforsu ema atu desenvolve potensialidade liu husi isin no klamar tuir akordu no valor ne’ebe exite iha sosidea cultural”.Pendidikan adalah proses pembentukan kecakapan-kecakapan fundamental secara intelektual dan emosional kearah alam dan sesama manusia”,”Edukasaun hanesan prosesu formasaun habilidade fundamental liu husi intelektual no emosinal ne’ebe iha relasaun enter natureza no ema moris” Jhon Dewey (2003: 69).

Hanoin balun husi Tuir Feni (2014: 13) “Pendidikan merupakan bimbingan atau pertolongan yang diberikan oleh orang dewasa kepada perkembangan anak untuk mencapai kedewasaanya dengan tujuan agar anak cukup cakap melaksanakan tugas hidupnya sendiri tidak dengan bantuan orang lain”  Katak Edukasaun hanesan orientasaun ka ajuda ne’ebe fo husi ema bo’ot ba labarik atu sai matoridade ho objetivu atu labarik hala’o nia moris ho diak no la persiza ema seluk nia ajuda”. Tuir J.J. Rousseau (2003: 69) Pendidikan merupakan memberikan kita pembekalan yang tidak ada pada masa kanakkanak, akan tetapi kita membutuhkanya pada masa dewasa” Edukasaun fo bukae ida ne’ebe la uza iha infancia, maibe ita persiza bukae ne’e iha idade adultu.

Bazeia ba difinisaun husi peritus ne’ebe mak aborda ona iha leten, nune’e debatores hakarak atu konklui katak edukasaun hanesan etapa ka guiões ne’ebe atu kaderniza no kapasita estudante  hodi eleva personalidade pessoal ( potensia ) estudante nian, hodi bele kontribui ba nasaun no sociedade.

2.2. Fator fator ne’ebe kontribui ba kresimentu Boa Governasaun

A.    Lei Estadu RDTL

1.      Konstituisaun Republika Demokrátika Timór Leste

2.      Estatutu Funsaun Públika-Lei Nú. 8/2004/alterasaun Lei Nú. 5/2009

3.      Lei Organika ba Administrasaun Publika-Dekretu Lei Nú.12/2006

4.      Kodigu Prosedimentu Administrasaun-Dekretu Lei Nú.32/2008

5.      lei kona-ba admistrasaun orsamental no finanseiru- lei nú. 13/2009

6.      Lei kona-ba uza veikulu sira estadu nian- Dekreto – lei nú. 8/2003

7.       lei organika kona-ba kamara auditoria husi tribunal supremu admistrativa, Fiskal tribunal supremu auditoria – lei nú 9/2011

8.      lei kona-ba rejime aprovizionamentu publiku-dekreitu lei nú. 10/2005 ( ho emanda sira)

9.      Rejime juridika ba kontratu publiko sira- dekretu-lei Nú. 12/2005

B.     Prinsipiu Boa – Governasaun

Prinsipiu husi Boa-Governasaun ne’ebe sai hanesan indikador hodi aumenta kresimentu Governasaun hodi atinji Governasaun ne’ebe diak, tuir United  Nation  Development  Program (UNDP) mak hanesan tuir mai ne’e :

1.      Partisipasaun (Participation) no Konsensus (Consensus Oriented)

Nudar nasaun Demokrasia ne’ebe sita iha Konstituisaun RDTL , desizaun ne’ebe foti husi Governu ka instituisaun  ne’ebe fó influensia direita no indireita ba sosiedade maka tenki iha partisipasaun husi sosiedade iha prosesu hotu no inklui foti desizaun.

2.      Promove Justisa (Rule of Law)

   Atu halooos asaun governasaun diak, governu tenke garante justisa, eziste asaun konabá justisa ba ema sira ne’ebé kontra lei, no mós iha komprensaun konabá importansia hakruuk ba lei no regra, trata ema hotu-hotu hanesan no ho justu, fó ba ema hotu-hotu oportunidade hanesan no hadi’ak dezvantajen sira-ne’ebé eziste ba grupu marjinalizadu sira. Justisa sosiál mós inklui asegura distribuisaun ba rekursus ho justu.

3.      Transparansia (Transparancy)

Transparansia katak nakloke ka informasaun ida ne’ebe ema hotu-hotu iha diretu atu bele asesu ba desizasaun ka servisu ruma ne’ebe halo husi governu ne’ebe  iha relasaun. Atu asesu ba iha informasaun hirak ne’e, maka tenki kria kondisaun ida ne’ebe diak atu nune’e fasil publika atu hatene servisu governu nain, Tuir Krina (2003: 13) fo difinisaun katak ‘transparansi sebagai prinsip yang menjamin akses atau kebebasan bagi setiap orang untuk memperoleh informasi tentang penyelenggaraan pemerintahan, yakni informasi tentang kebijakan proses pembuatan dan pelaksanaanya serta hasil-hasil yang dicapai’ transparénsia hanesan prinsípiu ida-ne'ebé asegura asesu ka liberdade ba ema hotu-hotu atu hetan informasaun kona-ba servisu governu ruma kona-ba prosesu polítika no ninia implementasaun no mós ba rezultadu ne'ebé alkansa. 

4.      Responsivilidade (Responsiveness)

Ekilibriu entre programa no atividade ka ezekusaun atendimentu husi governu relasiona ho nesesidade no interesee populasaun ne’ebé liu husi programa no hala’o husi governu, nune’e dezempeñu instituisuan sai diak liu tan. Iha ezekusaun atividade, governu tenke garante ekilibriu entre ezekusaun ho estandar criteria ezekusaun no mós iha sansaun bá sala no frakeza durante ezekusaun atividade.

5.     Igualdade (Fairness)

Igualdade ba atendimentu, governu ka instituisaun tenke fó oportunidade atendimentu no serve hanesan iha koredor onestu no justu.

6.      Vizaun Perspetiva (Vision) 

Iha ezekusaun atividade, governu ka instituisaun tenke iha vizaun no estratejia ne’ebé loos no diak ho justisa ne’ebé serteza, eziste espliaksaun ba kada objetivu polítika no programa, no mós iha suporta husi autor hodi atinji vizaun refere.

7.      Efisiensia no efikaz (Effectiveness and Efficiency)

Iha Efisiensia no efikasia ne’e katak atu atinji objetivu ne’ebe ita planea ona ho gastu ne’ebe ki’ik no kualidade, no iha ezekusaun atividade governu ka instituisuan tenke garante ezekusaun administrative nasaun nian ne’ebé ótimu, iha mós manutensaun sustentabilidade ka kontinuasaun no menus alokasaun orsamentu ne’ebé mal jestaun.

8.  Akuntabilidade no Responsabilidade (accountability and Responsabily)

Akuntabilidade hanesan atividade ida ne’ebe halo husi governu ka ema ida ne’ebe simu responsabilidade halo servisu ruma no fo hatene liu husi informasaun ruma, tuir Mahmudi (2010:23)  “akuntabilitas adalah kewajiban agen (pemerintah) untuk mengelola sumber daya, melaporkan, dan mengungkapkan segala aktivitas dan kegiatan yang berkaitan dengan penggunaan sumber daya publik kepada pemberi mandat (prinsipal)”. Akuntabilidade mak responsabilidade agente (governu) hodi halo jestaun ba rekursu publiku, fo hatene liu husi relatoriu ema ne’ebe fo kanar ba atividade hotu-hotu ne’ebe relasiona ho utilizasaun ba rekursu publiku”.

9.      Kontrolu (control)

Kontrolu mak kona-ba kriasaun sistema no prosesu sira-ne’ebé permite jerente (xefia) sira hodi ezerse kontrolu ba projetu no programa sira. Kontrolu inklui sistema ba xefia sira hodi planeia, jere, monitoriza no avalia atividade sira; ida-ne’e inklui atividade sira ne’ebé funsaun públika hala’o, no mós atividade sira-ne’ebé Sosiedade Sivíl sira ka Setór Privadu sira hala’o hodi Estadu nia naran. Ne’e inklui kriasaun ba padraun dezempeñu nian ba Kompañia no ONG sira-ne’ebé Estadu envolve hodi implementa projetu sira nia dezenvolvimentu. Kontrolu la’ós de’it kona-ba estabelese sistema sira maibé mós halo tuir (kumpre) sistema hirak ne’e!

C. Entidades ne’ebe asumi papel hodi responsavel ba Boa-Governasaun

Entidades hotu-hotu ne’ebe hala’o asaun ho aotoridade estadu nian mak iha responsabilidade atu pratika Boa-Governasaun, inklui :

1.      Parlamentu nasional

2.      Konselho ministru

3.      Ministru sira hotu

4.      Autoridade/ governu lokal

5.      Kompanha publika no privadas

6.      Funsionariu publiku no privada

7.      Sociedade sivil no ba sira ne’ebé kaer poder iha instituisaun sira.

C.           Dezafius bá dezemvolvimentu  Edukasaun iha Timor-Leste

Edukasaun iha Timor-Leste infrenta dezafius ba dezemvolvimentu iha aspeitu sira hanesan:

1.      Alokasaun orsamentu ki’ik.

Orsamentu Jeral Estadu ne’ebé aloka bá edukasaun  ki’ik,   ne’ebé kada tinan alokasaun orsamentu ba setor edukasuan la to’o 10%.

2.      Sistema edukasaun ne’ebé sei fraku.

 hanesan ita hotu hatene ita nia sistema edukasaun  iha governasaun hira ne’ebé liu ona troka kurikulu edukasaun nian, adoptasaun husi kurikulu ida ba fali ida seluk. Ho objetivu atu hasa’e kualidade edukasuan  maibe realidade sei hakdasak hela. No ita nia sistema edukasaun sei iha liña estandarizasaun nia okos, kompara ho país sira seluk ho razaun sistema ne’ebé mak sei fraku susar edukasaun atu dezemvolve.

3.      Edukasuan ne’ebé la la’o hanesan iha teritoriu laran.

Edukasuan la la’o hanesan iha teritoriu laran,  maske ita nuudar nasaun terestre ne’ebé la lori maritima atu dezemvolve edukasuan ne’ebé ekuidade, maibé sei sentraliza iha urbanu sira, eskola sira iha rural sei falta buat barak.

4.      Instalasoens no Infraestrutura ne’ebé sei menus.

Instalasoens no Infraestrutura importante tebes hodi hasa’e edukasaun tamba sem instalasoens no infraestrutura ne’ebé sufsiente susar atu dezemvolve edukasaun, realidade mak edukasaun iha Timor-Leste sei falta buat barak.

5.      Kualidade maknorin sira sei minimu.

Preofessores ka maknorin nuudar xave edukasaun iha papel importante ba progresu edukasaun, maibe realidade  kualidade maknorin maioria sei iha nivel estandar nia okos ne’ebé hatudu. Maske nune’e esforsu barak halo ona atu hasa’e kualidade maknorin sira nian husi  sertifikasaun no formasoens ka treinamentu sira. Iha parte seluk laiha kualidade impaktu husi alokasaun kursu espesialidade maknorin sira nian ne’ebé la tuir dalan.

KAPÍTULU III

ENSERAMENTU

3.1. Konkluzaun

Em jeralmente edukasaun iha Timor-Leste la’o ho diak wainhira hala’o tuir sistema edukasuan ho loloos tuir planu ne’ebé iha, hanesan sistema eduaksuan nian husi ensinu báziku no sekundariu inklui ensinu superior nian ne’ebé hatuur iha planu estratejia nasional edukasaun nian (2011-2030), maibé realidade prosesu aprendijazem ne’ebé la’o sedauk tuir mehi ka planu ne’ebé hatuur ona. Ida ne’e implika husi fator impedimentu sira hanesan menus preparasaun maknorin sira nian, fasilidade edukasuan ne’ebé limitadu hahuu husi karteira sira to’o biblioteka sira iha rural sira, no karakteristika populasaun Timor-Leste ne’ebé laduun apoiu no frakeza sira seluk  mak relasiona ho sistema evaluasuan edukasaun ne’ebé sei metin hela ho kuantidade laos kualidade.

Ho nune’e rezultadu sira ne’ebé iha hatuur katak Ministériu Edukasaun la dauk hatuur faktus boa governasaun nian ba iha dezemvolvimentu setor edukasaun iha Timor-Leste ho razaun katak iha polítika no vizaun ne’ebé diak maibé menus alokasaun orsamentu ba setor edukasaun nian husi OJE sei afeta ba servisu diak ministériu nian.  

3.2. Sujestaun

Pontus importante ne’ebé sai hanesan sujestoens hodi bele dezemvolve setor edukasuan  iha Timor-Leste liu husi boa-governasaun ministériu edukasaun nian  mak:

1.      Ministériu edukasaun tenke \ hasa’e kapasidade jestaun ba rekursu instituisaun nian.

2.      Hatuur kualidade edukasaun  la’os kuantidade deit, ezemplu hanorin estudantes sira ho disiplina sira ne’ebé mak  kondiz duni ho ambiente no kapasidade estudante sira nian.

3.      Ministériu edukasaun presija halo rekrutamentu maknorin sira ne’ebé iha kualifikadu  no professional hodi hanorin estudantes sira, husi pre-eskolar to’o ensinu superior, tuir maknorin sira nia espesialidade kursu,

4.      Aumenta pursentajem alokasun OJE ba setor Edukasaun, hodi kompleta nesesidade komplementares edukasaun iha Timor-Leste, hanesan harii Infraestrutra (Eskola), karteiras, Biblioteka (livru, laboratoriu),

5.      Integra Inan-aman, autoridade no estudante sira iha sistema edukasaun nian ne’ebé bele halo ema hotu fó kontribuisaun ba edukasaun nia progresu.

6.      Dezemvolve manaeira ka sistema ne’ebé diak liu tan hodi estudante sira bele aprende ho diak liu tan ne’ebé hatuur iha dekretu lei númeru 14/2008 utilija lian portugues no tetun iha lian aprendijazem.

7.      Halo estudu ba sistema edukasaun nasaun dezemvolvidu sira ne’ebé ho nia kualifikasaun edukasaun aas, hodi bele hadia diak liu tan sistema no programa edukasuan iha Timor-Leste iha futuru.

Referensia

Material debate Fakuldade Ekonomia Jestaun (2016) “Abordajen intergradu Jeneru Turismu iha ZEESM”, UNTL

Material debate Fakuldade Agrikultura (2016) “Abrodajen intergadu Jeneru iha politika agrikultura iha ZEESM”, UNTL

Konstiuisaun Repúblika Demoktrátika Timor-Leste

Aminuddin Ilmar (2014) “Hukum Tata Pemerintahan”, kencana, Jakarta

Jimly Asshiddiqie (2006) “Pengantar Ilmu Hukum Tata Negara”,Jilid II, konstitusi press, Jakarta

Provedoria Direitus Humanus no Justisa (2016) “Manual Boa Governasaun”, Jullu

Budi Setiyo (2014) “Pemerintahan dan Manajemen Sektor Publik”, CAPS, Yogyakarta.

Estanislau saldanha, Kualidade Edukasaun Iha Timor-Leste Kiik: Sa Ida Mak Sai Huun? 5November 2014,https://estanislausaldanha.wordpress.com/2014/11/05/kualidade-edukasaun-iha-timor-leste-kiik-sa-ida-mak-sai-huun/

Ministerio Educação, Planu Estrategico Nacional Educação 2011-2030

4 pilar pendidikan menurut unesco dan 5 pilar pendidikan di Indonesia; https://irsyakhafid.wordpress.com/2011/12/17/4-pilar-pendidikan-menurut-unesco-dan-5pilar-pendidikan-di-indonesia/